បាត់ដំបង៖ ជំនន់ទឹកភ្លៀងបានបង្កការលិចផ្លូវច្រកអន្តរជាតិដូងក្នុងខេត្តបាត់ដំបង បង្ករការលំបាកក្នុងការធ្វើចរាចរណ៍ និងដឹកជញ្ជូនទំនិញ។
អភិបាលស្រុកកំរៀង ខេត្តបាត់ដំបង លោក សុខ គឹមខុន បានអោយដឹងថា ទឹកជំនន់ដែលជន់លិចផ្លូវស្ពានឆ្លងកាត់ច្រកទ្វារអន្តរជាតិដូង ស្រុកកំរៀងនេះ គឺបានចាប់ផ្តើមជន់លិចចាប់តាំងពីយប់ថ្ងៃទី០៦ ខែតុលាទើបនឹងបានស្រកជាបណ្តើរៗដែលមិនទាន់អាចឱ្យរថយន្តធំៗធ្វើដំណើរឆ្លងកាត់បាននៅឡើយ។
បើតាមលោកអភិបាលស្រុក ជំនន់ទឹកភ្លៀងដែលបណ្តាលអោយជន់លិចផ្លូវច្រកទ្វារអន្តរជាតិដូងនាពេលនេះគឺ បានហូរមកពីតំបន់អូរក្នុងភូមិសាស្រ្តស្រុកភ្នំព្រឹកខ្លះ មកពីថៃខ្លះ និងនៅតំបន់អូរតូចៗក្នុងស្រុកកំរៀងខ្លះ ប៉ុន្តែវាមិនច្រើនដូចឆ្នាំ២០២០នោះទេ៕
